Monthly Archives: July 2011

Kjartan Gylfason með Maríulaxinn í gær sem var 12 pund og tók gula Kröflu.

Veiði er örlítið að glæðast í Húseyjarkvísl og hefur orðið vart við aukna göngu fiska í ána. Í gær hóf nýtt holl veiðar í ánni og komu tveir laxar á land á fyrstu vaktinni í gær. Þar af var annar fiksurinn mjög fallegur 86 cm 12 punda lax sem Kjartan Gylfason veiddi á gula Kröflu.

Í morgun var leiðindaveður í Skagafirði og hamlaði mikið rok veiðunum. Um miðjan dag í dag hafði vind lægt verulega og veiðimenn voru bjartsýnir á framhaldið.

Mikil veiði hefur verið í Selá í Vopnafirði og hafa Kröfluflugur verið að gefa góða veiði þar eystra. Þar eru veiðimenn einnig að ná í Maríulaxa eins og sjá má á mynd með þessari frétt.

Reimonda frá Ítalíu með glæsilegan lax úr Selá. Hún fékk meðal annars fjóra laxa á Kolskegg og tvo á Iðu.

Reto Gmur frá Sviss með Maríulaxinn sinn sem tók rauða Kröflu í Fossinum í Selá.

Skröggur gaf vel í Soginu um liðna helgi og ekki í fyrsta skipti. Þett er einn af löxunum 8 sem holl um síðustu helgi náði á land.

,,Þetta var rosaleg taka og ég hef aldrei áður séð magnaðri töku hjá laxi. Hann kom upp og sótti Kolskegginn með þvílíkum látum og hreinsaði sig síðan i beinu framhaldi. Þetta var hrikaleg sjón sem ég mun aldrei gleyma enda var laxinn mjög stór," sagði Þórir Traudstason en hann var ásamt félögum sínum við veiðar í Soginu um liðna helgi á Alviðru svæðinu.

Það var rosaleg ganga í Sogið þessa helgi og fiskur alls staðar. Þórir setti í þennan risafisk á Öldunni við brúna við Þrastarlund og við tók rosaleg barátta í 20 mínútur en þá sleit laxinn. ,,Það er erfitt að segja til um hve stór þessi fiskur var en hann var örugglega um meterinn," sagði Þórir.

Þeir félagarnir settu í um 30 laxa þessa helgi en takan var afar grönn og misstu þeir mjög marga. Aðeins náðu þeir 8 löxum á land. Allir komu laxarnir á Kröfluflugur en flestir tóku Skrögg. Sogið er því dottið í gírinn og verður fróðlegt að fylgjast með gangi mála þar á næstunni.

Mikil veiði hefur verið undanfarna daga í Ölfusá við Selfoss. Ljóst er að mikil ganga kom í ána um liðna helgi og víst að veiðimenn á veiðisvæðum á vatnasvæði Hvítár hugsa sér gott til glóðarinnar. Við flytjum ykkur nýjar fréttir af svæðinu ásamt myndum eftir verslunarmannahelgina.

Tveir fyrstu laxarnir sem komu á land í Soginu við Þrastarlund. Báðir tóku Kolskegg með miklum látum.

Tveir fyrstu laxar sumarsins veiddust í gær á svæðinu við Þrastarlund í Soginu. Ekki var sjáanlegur mikill lax í Þrastarlundi í gær en báðir laxarnir komu á land um morguninn.

,,Aðstæður til veiða voru frekar erfiðar, mikil birta og nánast stafalogn. Ég ákvað að byrja með Kolskegg og það var strax í þriðja kasti sem hann var tekinn af miklum áhuga. Reyndar var áhuginn svo mikill að Kolskeggurinn var magagleyptur," sagði Guðjón Gunnar Ögmundsson í gær.

Félagi hans fór með Kolskegginn skömmu síðar og eftir nokkur köst kom lax með miklum látum af fimm metra færi og negldi Kolskegginn með miklum látum. Laxarnir voru báðir grálúsugir, 6 og 7 pund. Skömmu eftir að sá síðari var kominn á land sást lax stökkva í Kúagilinu.

Við minnum veiðimenn á að Kolskeggur og aðrar Kröfluflugur eins og þær eiga að vera fást einungis í Veiðibúðinni Kröflu Höfðabakka 3. Við vörum veiðimenn við lélegum eftirlíkingum sem eru til sölu á einhverjum stöðum og oftar en ekki undir fölskum nöfnum.

Báðir laxarnir sem komu á land í Þrastarlundi í gær voru grálúsugir eins og sjá má á þessari mynd.

Við höfum frétt af mörgum veiðimönnum sem hafa fengið fallega og góða veiði á Kröfluflugur undanfarna daga. Mikil laxgengd er þessa dagana í Selá í Vopnafirði og þar voru veiðimenn að setja í fallega laxa á Kröfluflugur.

Lou Maroun með fallegan lúsugan tveggja ára lax úr Selá.

Við fréttum til að mynda af konu frá Ítalíu sem veiddi 4 laxa á Kolskegg í gær og missti tvo á Iðu. Annar veiðimaður, Lou Maroun frá Bandaríkjunum, veiddi einnig vel og fékk meðal annars glæsilegan tveggja ára fisk á Grænfriðung og var sá fiskur í kringum 90 cm langur. Maroun veiddi fiskinn í Fossinum. Þá fréttum við af veiðimanni sem fékk Maríulaxinn sinn á Kolskegg á dögunum og var laxinn 80 cm langur.

Aðeins er að lifna yfir veiðini í Hítará en ennþá vantar þó alvöru göngur í ána. Hollið sem var að veiðum í  gær veiddi 12 laxa og kom helmingur þeirra á Kröfluflugur. Laxarnir sex tóku Kröflu Eld, rauða Kröflu, gula Kröflu, Skrögg, Iðu og Kolskegg. Að auki misstu veiðimenn marga fiska en tökur voru fremur grannar í gær.

Við minnum veiðimenn á að Kröfluflugurnar fást aðeins í Veiðibúðinni Krafla Höfðabakka 1.

Ágústa Dröfn með Maríulaxinn sinn úr Selá á dögunum. Laxinn var 80 cm og tók Kolskegg á Fossbreiðunni.

Lou Maroun með laxinn glæsilega sem tók Grænfriðung.