Monthly Archives: December 2011

Þetta er glæsilega fluguboxið sem Sóley Björk Guðmundsdóttir vann í getraun okkar.

Við erum búin að draga í getraun okkar sem við vorum með í gangi í desember. Í verslun okkar í Höfðabakka 3 var lítið og sætt jólatré og skreyttum við fluguveiðifólkið í Kröflu tréðað sjálfsögðu með Kröflutúpum í öllum regnbogans litum. Viðskiptavinir okkar áttu síðan að telja túpurnar. Fjölmargir tóku þátt í þessari skemmtilegu getraun og á trénu voru 32 Kröflutúpur.

Vinningshafinn heitir Sóley Björk Guðmundsdóttir og var hún að vonum ánægð þegar við hringdum í hana núna í hádeginu. ,,Þetta er æðislegt. Mig langaði ekki lítið í þetta glæsilega flugubox," sagði Sóley Björk þegar við slógum á þráðinn til hennar og hún bætti við: ,,Þú ættir að sjá öfundarsvipinn á manninum mínum sem stendur hérna við hliðina á mér. Hann fær eflaust að njóta góðs af þessu með mér og nú hlakka ég ofboðslega til að fara að veiða næsta sumar."

Sóley Björk er stödd norður í landi í faðmi fjölskyldunnar á Sauðárkróki. Við afhendum henni boxið eftir áramótin og birtum mynd frá afhendingunni hér á Krafla.is

Við endurtökum svo leikinn að ári.

Veiðimönnum og veiðikonum um land allt óskum við gleðilegra jóla og farsældar á nýju veiðiári.

Þessar vöðlur frá Airflo með rennilás og tveimur vösum kosta aðeins 39.900 krónur í Veiðibúðinni Kröflu. Sambærilegar vöðlur að okkar mati kosta tvöfalt og þrefalt meira í mörgum veiðibúðum.

Greinilegt er að við hjá Kröflu erum með betri verð á okkar vörum en gengur og gerist í öðrum veiðibúðum. Mætti nefna mörg dæmi því til staðfestingar.

Í Kröflu, Höfðabkka 3, erum við með vöðlujakka sem kosta 25.900 krónur. Jakkinn er frá Airflo sem er mjög þekkt og gott merki, sem sagt vatnsheldur jakki og frábær í alla staði. Sambærilegur jakki er á mun hærra verði annars staðar. Þá erum við með vöðlujakka á tilboðsverði þar sem afsláttur er allt að 40%.

Mjög góður vöðlujakki frá Airflo. Jakkinn kostar aðeins 25.900,- krónur hjá Kröflu. Við skorum á veiðimenn að gera verðsamanburð.

Við hjá Veiðibúðinni Kröflu skorum á veiðimenn að gera verðsamanburð. Við fullyrðum að veiðimenn eru á góðu kaupi þegar þeir eyða tíma í að bera saman verð hjá okkur og öðrum verslunum. Hægt væri að nefna mörg dæmi. Við seljum til dæmis vaðstaf á 8.800 krónur, tvö pör af hágæðasokkum í vöðlurnar og veiðitúrinn á aðeins 2.890 krónur. Gæða fluguhjól frá Echo á innan við 10 þúsund krónur og stangirnar okkar frá Echo eru á aðeins 24.900 til 78.880 krónur. Enn og aftur skorum við á veiðimenn að gera verðsamanburð á okkur og öðrum veiðiverslunum.

Glæsilegir vöðluskór á aðeins 18.900,- krónur.

Mjög mikið úrval er af fluguboxum í Kröflu og landsins mesta úrval af íslenskum flugum.

Verðin hjá okkur í Veiðibúðinni Kröflu við Höfðabkka 3 á fluguveiði-pökkunum hafa vakið mikla athygli enda vandfundin önnur eins tilboð fyrir jólin að þessu sinni.

Segja má að í öllum pökkunum sé viðskiptavinurinn einungis að greiða fyrir flugustöngina en fái fluguhjólið með aukaspólu, flotlínu, undirlínu og 6 flugur í boxi ókeypis með. Við megum víst ekki fullyrða að þetta séu ódýrustu og bestu fluguveiðisettin eða fluguveiðipakkarnir fyrir þessi jól en allir sem séð hafa eru akkúrat á þeirri skoðun. Enn eigum við eftir eitthvað lítið magn af öllum pökkunum en nánar er hægt að skoða innihald pakkanna á Krafla.is undir hnappnum Jólapakkar.

Um er að ræða 5 mismunandi pakka og kosta þeir frá 14.900 krónum til 84.900 krónur. Stangirnar eru allar nema ein með lífstíðarábyrgð. Við hjá Kröflu bjóðum upp á mjög margt sniðugt í jólapakkann fyrir veiðimenn. Við erum með frábært vöðlutilboð í gangi og mjög mikið úrval af fluguboxum með glæsilegum íslenskum flugum.

Við erum með opið fram eftir kvöldi í kvöld og opnum á morgun á Þorláksmessu kl. 10 og verður opið hjá okkur til kl. 20 um kvöldið. Loks verðum við með opið á aðfangadg frá kl. 11 til 13.

Frábær fluguveiðipakki sem kostar aðeins stangarverðið. Fluguhjól með aukaspólu, flotlína og undirlína og 6 flugur í boxi fylgja frítt með. Ótrúleg kaup.

Glæsilegur fluguveiðipakki frá Echo.

Við í Veiðibúðinni Kröflu í Höfðabkka 3 bjóðum upp á mikið úrval af fluguveiðipökkum fyrir þessi jól. Ódýrasti pakkinn kostar aðeins 14.900 krónur og er enn til hjá okkur. Í pakkanum er mjög góð 8,6 feta White River flugustöng fyrir línu nr. 5, fluguhjól með aukaspólu, undirlína og flotlína ásamt taum og 6 flugur í boxi. Við höfum ekki enn rekist á ódýrari fluguveiðipakka eða fluguveiðisett fyrir þessi jól og höfum við þó víða farið. Þetta er frábær pakki fyrir byrjendur eða þá sem eru nýbyrjaðir í fluguveiðinni

Hjá Kröflu fást einnig fleiri útgáfur af fluguveiðipökkum og er hægt að gera hreint stórkostleg kaup. Þar má nefna pakka sem kostar 24.900 en í honum eru Echo 9 feta flugustöng, Echo fluguhjól með aukaspólu, undirlínu og flotlínu frá Echo og 6 flugur í boxi. Mjög vandaður pakki á frábæru verði.

Við erum einnig með mörg önnur tilboð. Þar má nefna vöðlupakka en í honum eru mjög vandaðar öndunarvöðlur með rennilás og mjög góðir vöðluskór. Þeir sem skella sér á svona pakka fá skóna nánast frítt með til jóla.

Ódýrasti fluguveiðipakkinn á markaðnum í dag? Við höfum hvergi séð ódýrari pakka. Þessi kostar aðeins 14.900 krónur.

Við ákváðum nýverið að bjóða félagsmönnum og konum í Stangaveiðifélagi Reykjavíkur 10% afslátt af flugum og fluguboxum í Veiðibúðinni Kröflu fram til jóla. Við erum með langmesta úrval landsins af íslenskum flugum og mjög mikið úrval af fluguboxum á verði frá 650 krónum til 23 þúsund krónur. Um er að ræða flugubox úr plasti og tré og gröfum við nöfn, lógo eða myndir á boxin.

Allir geta fundið eitthvað við sitt hæfi og hjá okkur þarf jólagjöf sem gleður ekki að kosta mikið.