Monthly Archives: December 2012

Við hjá Krafla.is og Veiðibúðinni Kröflu sendum viðskiptavinum okkar öllum, félögum í Kröfluklúbbnum og öðrum velunnurum innilegar óskir um gleðileg jól og farsæld á nýju ári.

Kærar þakkir fyrir viðskiptin á árinu sem senn er liðið og frábærar móttökur.

Stefán og Sólveig

Kröflujólatréð í Kröflubúðinni Höfðabakka 3. Hvað eru margar Kröflutúpur á trénu?

Við erum búin að skreyta litla Kröflujólatréð okkar í Veiðibúðinni Kröflu Höfðabakka 3 og viðskiptavinir okkar eru þegar farnir að giska á hve margar Kröflutúpur eru á trénu.

Eftir jólin drögum við síðan út nafn heppins viðskiptavinar og sá hinn sami fær í verðlaun glæsilegt flugubox úr viði með glæsilegum Kröfluflugum.

Við erum með opið til kl. 18 í dag og við hvetjum veiðimenn til að mæta til okkar, kíkja á glæsileg jólatilboð okkar og taka þátt í getrauninni og telja kröflurnar á jólatrénu.

Í Veiðibúðinni Kröflu að Höfðabakka 3 er mikið úrval af veiðijólagjöfum fyrir veiðimenn sem gera miklar kröfur.

Fluguboxin okkar vinsælu renna út eins og heitar lummur og höfum við varla undan að raða flugum í hinar ýmsu tegundir af fluguboxum fyrir viðskiptavini okkar. Einnig minnum við á glæsilega fluguveiðipakka sem verið hafa mjög vinsælir enda frábær pakki þar á ferð og verðið sérlega hagstætt. Sjá nánar hér á Krafla.is undir flipanum ,,flugustengur"

Tréboxin okkar eru íslensk og með íslenskum flugum og þannig box fást aðeins hjá okkur í Veiðibúðinni Kröflu og á Krafla.is  Verðið á fluguboxunum er frá 1500 krónum og getur hver og einn viðskiptavinur ráðið því hve margar flugur eru í boxunum.

Við gröfum nöfn veiðimanna á boxin og enn er nægur tími til að fá box með áletrun afgreidd fyrir jólin.

Opnunartími hjá okkur er þannig til jóla: Laugardaginn 22. desember frá kl. 12 til 18. Á Þorláksmessu, sunnudaginn 23. desember frá kl. 12 til að minnsta kosti 20 og á aðfangadag frá kl. 11 til 13.

Glæsilegt box með 26 Kröfluflugum sem fást einungis í Veiðibúðinni Kröflu Höfðabakka 3.

Fluguboxin okkar úr mahoný og íslenska birkinu eru að vekja mikla athygli veiðimanna fyrir þessi jól og þessi box sem fást hvergi annars staðar eru á óskalista allra veiðimanna. Við gröfum nöfn veiðimanna á boxin sem gerir gjöfina mjög persónulega og skemmtilega.

Í Veiðibúðinni Kröflu Höfðabakka 3 og á Krafla.is er langmesta úrval landsins af íslenskum flugum og Kröfluflugurnar okkar fást hvergi nema hjá okkur. Við bjóðum margar útfærslur af boxunum og við veljum flugur í boxin fyrir hvern og einn. Verð boxanna er því mjög breytilegt. Hér er komin afar falleg, íslensk og kærkomin jólagjöf fyrir alla fluguveiðimenn sem kannski eiga alla skapaða hluti. Félagar í Kröfluklúbbnum fá 15% afslátt.

Sjá nánar hér á Krafla.is undir flipanum ,,Flugubox".

Við gröfum nöfn veiðimanna á boxin eftir óskum hvers og eins.

Við getum grafið nánast hvað sem er á boxin sem gerir gjöfina í senn persónulega og skemmtilega.