Fréttir - Krafla.is

Veiðimaður með þriggja klukkutíma veiði í Rangánum á Kolskegg og aðrir 9 sluppu.

Víða eru veiðimenn að fá mjög góða veiði á Kröfluflugur af ýmsum gerðum og stærðum . Við heyrðum nýverið í veiðimanni sem fékk 22 laxa í Rangánum og þeir vöru allir á Kröflur í ýmsum litum. Okkur hefur verið lofað myndum og veiðisögu frá umræddum veiðimanni og birtist hún vonandi fljótlega hér á síðunni.

Veiðimaðurinn á meðfylgjandi mynd lenti í rosalega skemmtilegu ævintýri í Ytri Rangá nýverið en á þremur klukkustundum, frá klukkkan sjö til tíu um morguninn, setti hann í 16 laxa á Kolskegg og náði þeim sjö á land sem eru á myndinni.

Fyrir um viku voru komnir 27 laxar í veiðibókina við Iðu. Þar af voru rúmlega 20 laxar á Kröfluflugur, Skrögg, Kolskegg, Elliða rauðan og Kröflur í ýmsum litum. Stærsti fiskurinn var 9 pund.

Mjög góð veiði hefur verið á flugurnar okkar í Laxá í Dölum og má þar nefna Kolskegg, Skrögg og Iðu ásamt Kröflunum. Við heyrðum af veiðimanni sem var nýverið í Norðurá og hann fékk 21 lax. 11 þeirra voru á græn/svarta Kröflu Micro keilutúpu. Kolskeggur hefur einnig verið að gefa mönnum góða veiði í Norðurá.

Við verðum mjög fljótlega með nýjustu fréttir frá Norðurá. Vonandi í kvöld eða morgun.

Erlendur veiðimaður með 10 punda lax sem tók Kolskegg á hröðu strippi á Árbæjarbreiðu í Ytri Rangá.

Erlendur veiðimaður með 8 punda lax sem tók Kröflufluguna Elsu í Stallmýrarfljóti í Ytri Rangá.

Kjartan Gylfason með Maríulaxinn í gær sem var 12 pund og tók gula Kröflu.

Veiði er örlítið að glæðast í Húseyjarkvísl og hefur orðið vart við aukna göngu fiska í ána. Í gær hóf nýtt holl veiðar í ánni og komu tveir laxar á land á fyrstu vaktinni í gær. Þar af var annar fiksurinn mjög fallegur 86 cm 12 punda lax sem Kjartan Gylfason veiddi á gula Kröflu.

Í morgun var leiðindaveður í Skagafirði og hamlaði mikið rok veiðunum. Um miðjan dag í dag hafði vind lægt verulega og veiðimenn voru bjartsýnir á framhaldið.

Mikil veiði hefur verið í Selá í Vopnafirði og hafa Kröfluflugur verið að gefa góða veiði þar eystra. Þar eru veiðimenn einnig að ná í Maríulaxa eins og sjá má á mynd með þessari frétt.

Reimonda frá Ítalíu með glæsilegan lax úr Selá. Hún fékk meðal annars fjóra laxa á Kolskegg og tvo á Iðu.

Reto Gmur frá Sviss með Maríulaxinn sinn sem tók rauða Kröflu í Fossinum í Selá.

Skröggur gaf vel í Soginu um liðna helgi og ekki í fyrsta skipti. Þett er einn af löxunum 8 sem holl um síðustu helgi náði á land.

,,Þetta var rosaleg taka og ég hef aldrei áður séð magnaðri töku hjá laxi. Hann kom upp og sótti Kolskegginn með þvílíkum látum og hreinsaði sig síðan i beinu framhaldi. Þetta var hrikaleg sjón sem ég mun aldrei gleyma enda var laxinn mjög stór," sagði Þórir Traudstason en hann var ásamt félögum sínum við veiðar í Soginu um liðna helgi á Alviðru svæðinu.

Það var rosaleg ganga í Sogið þessa helgi og fiskur alls staðar. Þórir setti í þennan risafisk á Öldunni við brúna við Þrastarlund og við tók rosaleg barátta í 20 mínútur en þá sleit laxinn. ,,Það er erfitt að segja til um hve stór þessi fiskur var en hann var örugglega um meterinn," sagði Þórir.

Þeir félagarnir settu í um 30 laxa þessa helgi en takan var afar grönn og misstu þeir mjög marga. Aðeins náðu þeir 8 löxum á land. Allir komu laxarnir á Kröfluflugur en flestir tóku Skrögg. Sogið er því dottið í gírinn og verður fróðlegt að fylgjast með gangi mála þar á næstunni.

Mikil veiði hefur verið undanfarna daga í Ölfusá við Selfoss. Ljóst er að mikil ganga kom í ána um liðna helgi og víst að veiðimenn á veiðisvæðum á vatnasvæði Hvítár hugsa sér gott til glóðarinnar. Við flytjum ykkur nýjar fréttir af svæðinu ásamt myndum eftir verslunarmannahelgina.

Tveir fyrstu laxarnir sem komu á land í Soginu við Þrastarlund. Báðir tóku Kolskegg með miklum látum.

Tveir fyrstu laxar sumarsins veiddust í gær á svæðinu við Þrastarlund í Soginu. Ekki var sjáanlegur mikill lax í Þrastarlundi í gær en báðir laxarnir komu á land um morguninn.

,,Aðstæður til veiða voru frekar erfiðar, mikil birta og nánast stafalogn. Ég ákvað að byrja með Kolskegg og það var strax í þriðja kasti sem hann var tekinn af miklum áhuga. Reyndar var áhuginn svo mikill að Kolskeggurinn var magagleyptur," sagði Guðjón Gunnar Ögmundsson í gær.

Félagi hans fór með Kolskegginn skömmu síðar og eftir nokkur köst kom lax með miklum látum af fimm metra færi og negldi Kolskegginn með miklum látum. Laxarnir voru báðir grálúsugir, 6 og 7 pund. Skömmu eftir að sá síðari var kominn á land sást lax stökkva í Kúagilinu.

Við minnum veiðimenn á að Kolskeggur og aðrar Kröfluflugur eins og þær eiga að vera fást einungis í Veiðibúðinni Kröflu Höfðabakka 3. Við vörum veiðimenn við lélegum eftirlíkingum sem eru til sölu á einhverjum stöðum og oftar en ekki undir fölskum nöfnum.

Báðir laxarnir sem komu á land í Þrastarlundi í gær voru grálúsugir eins og sjá má á þessari mynd.