Monthly Archives: August 2009

Steinar Petersen losar gula Kröflutúpu úr fallegum smálaxi á Iðunni á dögunum. Alls hafa 20 laxar veiðst á Kröflur á Iðunni í sumar og er hún langskæðasta flugan samkvæmt veiðibók.

Þann 15. ágúst sl. var búið að skrá 91 lax í veiðibókina við Iðu í Biskupstungum. Fastlega má gera ráð fyrir að um 200 laxar hafi þegar veiðst við Iðu í sumar en veiðimenn sem nýta helming veiðiréttarins á svæðinu skrá ekki afla í veiðibók og hafa aldrei gert.

Við tókum saman nokkrar tölur við Iðu 15. ágúst. Af þessum 91 laxi sem var í bókinni voru 58 veiddir á flugu, 21 á spón og 12 á maðk. Flugur frá okkur á Krafla.is hafa verið sérlega gjöfular við Iðu í sumar en af þessum 58 flugulöxum voru 45 á  flugur frá okkur á Krafla.is og einungis 13 laxar á aðrar flugur. Kröflur í ýmsum litum höfðu gefið langflesta laxa eða 20, Marbendill 12, Skröggur 4 laxa, Ólsen Ólsen 2 laxa, Kolskeggur flottúpa 2 laxa, silungaflugan Mýsla 2 laxa og Iða flottúpa, Randalín og Grýla 1 lax hver.

Síðasta holl sem við fréttum af í Djúpadalsá og var við veiðar um miðjan ágúst fékk 40 bleikjur og 4 laxa. Létu veiðimenn afar vel af dvöl sinni við ána.

Þessi tók Skrögg flottúpu í Laxá í Kjós.

Við erum látlaust að frétta af mjög góðri veiði á flugur frá okkur á Krafla.is og ásóknin í flugur okkar í sumar er eftir því. Ljóst er að Long Wing flottúpurnar Kolskeggur, Skröggur og Iða eru algjörlega að slá í gegn og án vafa er Kolskeggur ,,spútnikfluga" ársins.

Guðmundur Stefán Máríasson, formaður SVFR, tekst hér á við vænan lax sem tók svarta Kröflu við opnun Norðurár í sumar.

,,Ég gat ekki hugsað mér, frekar en margir aðrir veiðimenn í sumar, að fara í veiðitúrinn án þess að hafa Kolskegg meðferðis. Ég fékk mér því nokkra á Krafla.is og sé ekki eftir því. Kolskeggurinn klikkaði ekki," sagði Eiríkur Stefán Eiríksson, stjórnarmaður í Stangaveiðifélagi Reykjavíkur, en hann var í ,,stjórnarhollinu" sem veiddi Norðurá um liðna helgi.

,,Ég setti Kolskegginn á strax á fyrstu vaktinni og var þá staddur í Krossholu neðan við Laxfoss. Skipti engum togum að lax réðst á Kolskegginn strax og hún kom í vatnið. Laxinn kom allur upp úr hylnum og þetta var magnaðasta taka sem ég hef fengið á flugu á mínum ferli sem veiðimaður. Og nú trúi ég öllum sögunum sem ég hef heyrt og lesið um þessa mögnuðu flugu. Kolskeggurinn sem Stefán Kristjánsson á Krafla.is hannaði aðeins 12 ára gamall á síðari hluta síðustu aldar er að mínu mati fluga ársins í ár," sagði Eiríkur ennfremur.

Stjórnarhollið fékk aðeins 25 laxa á 12 stengur í umræddum veiðitúr og er það mjög slök veiði enda aðstæður nánast vonlausar. Norðuráin afar vatnslítil og erfið viðureignar. En Kolskeggurinn klikkaði hins vegar ekki og af þessum 25 löxum sem hollið fékk voru 7 eða 8 á Kolskegg. Veiði í Norðurá hefur verið svakalega léleg undanfarið og dæmi um að heil vakt hafi aðeins skilað 2 löxum á 12 stengur. Núna hljóta hins vegar að vera skemmtilegir dagar framundan í Norðurá því rennsli árinnar var komið í 10 rúmmetra á miðnætti í gær og hafði vatnsmagnið þá tvöfaldast frá því sem var um liðna helgi.

Tveir laxar sem tóku Iðu flottúpuna.

,,Þetta var afskaplega skemmtilegur veiðitúr og það voru ekki sýst flugurnar frá ykkur á Krafla.is sem gerðu hann skemmtilegan. Ég hafði keypt mér nokkur eintök af Kolskegg og Iðu flottúpum og var mjög spenntur að reyna þessar flugur sem ég hafði aldrei séð áður. Og ég varð ekki fyrir neinum vonbrigðum," sagði Baldur Snorrason sem var við veiðar á dögunum í Hafralónsá.

,,Ég byrjaði með Kolskegginn og hann gaf mér strax laxa. Síðan fékk Iðan sitt tækifæri og hún gaf Kolskeggnum ekkert eftir. Og tökurnar á Iðuna voru alveg geggjaðar. Iðan sannaði sig heldur betur fyrir mér í þessum túr," sagði Baldur.

Baldur fékk aukaflugur með í pöntun sinni á Krafla.is og tók á það ráð þegar veiðitúrinn var á enda að gefa næstu veiðimönnum eintök af Kolskegg og Iðu. ,,Ég var forvitinn og dokaði aðeins við og beið eftir að þeir byrjuðu að veiða í eftirmiðdaginn. Ég stoppaði

Iða sem flottúpa í stærðum 1,5", 1" og sem hefðbundin gárutúpa 3/4".

við einn hylinn á leiðinni heim og sá þá að einn veiðimaðurinn sem tók við af okkur og hafði sett Iðu flottúpuna undir hjá sér var með kengbogna stöng í öðru kasti. Þá hélt ég ánægður heim á leið eftir frábæran veiðitúr," sagði Baldur Snorrason.

Guðrún Jónsdóttir með flottan smálax sem tók Kolskegg í Fögruhlíðará.

Veiðimenn sem voru við veiðar í einn og hálfan dag á Jöklusvæðinu hans Þrastar Elliðasonar fengu 17 laxa og misstu sex. Að auki frengu þessar aflaklær sem kenna sig við Mokveiðifélagið 8 vænar bleikjur og sjóbirtinga af fallegri gerðinni.

,,Þetta var í einu orði sagt stórkostlegt. Þetta veiðisvæði er með því flottasta hér á landi ef ekki það fallegasta. Og ekki skemmdi fyrir að við veiddum mjög vel og í raun mun betur en við áttum von á," sagði Hörður Hafsteinsson, einn veiðimannanna í samtali við Krafla.is

,,Og enn einu sinni var Kolskeggurinn í aðalhlutverkinu. Af þessum 17 löxum sem við lönduðum komu 10 á Kolskegg. Og tökurnar voru svo rosalegar að ég hef aldrei séð annað eins. Laxarnir komu á eftir Kolskeggnum niður ána og einn tók hana á lofti þegar hún var að lenda á vatninu. Ég á í raun ekki nægilega sterk lýsingarorð til að lýsa þessum tökum. Ég hef aldrei átt flugu fyr sem virðist fara eins mikið í taugarnar á löxum. Og bleikjurnar voru alveg jafn vitlausar í Kolskegginn," sagði Hörður sem einnig fékk laxa á svarta Kröflu og Kröflu Eld keilutúpur.

Hér hefur lax rokið á Kolskegginn í Fögruhlíðará hjá Árna Jóhannssyni.

Jöklusvæðið samanstendur af Jöklu og hliðarám hennar sem eru Laxá og Kaldá og svo Fögruhlíðará. Vatnsmagn er misjafnt í þessum ám en í öllum þeirra eru mjög margir glæsilegir veiðistaðir og alveg ljóst að þetta er framtíðar laxveiðisvæði. ,,Þetta svæði er komið til að vera hjá okkur félögunum og við munum reyna að komast þarna til veiða á hverju sumri eftir þessa veiðiferð," sagði Hörður ennfremur.

Sjá má frétt og tæplega 200 myndir úr veiðitúrnum á vef Mokveiðifélagsins sen slóðin er www.veidimenn.com

Og hér er Árni með laxinn að löndun lokinni.

Hér eru heldur betur átök í gangi. Hörður Hafsteinsson að þreyta lax á svarta Kröflu í ármótum Laxár og Jöklu.

Og hér er Hörður með laxinn fallega sem tók svörtu Kröfluna.

Sævar Örn Hafsteinsson með silfraðan smálax sem tók Kolskegg með miklum látum í Jöklu.