Monthly Archives: June 2011

Veiðihúsið við Hítará er á stórkostlegum stað. Veiðimaður er að veiða á veiðistaðnum Breiðin þar sem fyrstu laxar sumarsins veiddust í gær á Skrögg og Iðu. Mynd fengin að láni af vef SVFR.

Hítará var opnuð í gær, laugardag og tókst veiðimönnum að landa tveimur löxum þrátt fyrir erfiðar aðstæður en mjög mikið rok var við Hítará í gær og gerði mönnum lífið leitt.

Björn Bergsteinn Guðmundsson veiddi fyrsta lax sumarsins á 1/2" þyngda Skröggtúpu með keilu  á Breiðinni. Var fiskurinn mjög sprækur enda 11 punda tveggja ára fiskur á ferðinni. Annar fiskur kom á land á sama stað í gær. Guðbjörg Alfreðsdóttir veiddi hann á sama stað og tók fiskurinn Iðu túpu. Var um smálax að ræða en áður hafði Guðbjörg misst vænan tveggja ára lax sem einnig tók Iðuna.

,,Þetta var mjög erfitt og rokið var mikið. Það er eitthvað komið af laxi í Hítará og ef rokið minnkar verður þetta viðráðanlegra," sagði Sigurður Hauksson í samtali við Krafla.is í gærkvöldi en hann er í opnunarhollinu sem lýkur veiði á hádegi á mánudag.

Kröfluflugurnar voru því að gera það mjög gott í gær í Hítará og Flóku eins og sjá má hér á síðunni.

Við eigum von á myndum frá opnun Hítarár og birtum þær um leið og tækifæri gefst.

Veiðimaður kastar á Breiðina í Hítará. Mynd fengin að láni af vef SVFR.

Stangaveggurinn með Kröfluelda í bakgrunni hefur vakið mikla athygli veiðimanna. Echo stangirnar eru hágæða framleiðsla á hreint frábæru verði. 

Echo stangirnar hafa vakið mikla athygli hjá okkur það sem af er sumri og ekki síst verðið sem er viðráðanlegt fyrir alla. Úrvalið af Echo stöngunum er mikið, lengdir frá 6,6 fetum til 15 feta og allir veiðimenn ættu að geta fundið frábæra stöng við sitt hæfi.

Viðtökur veiðimanna hafa verið á einn veg og önnur sending af Echo stöngunum er væntanleg fljótlega. Miðað við mikil gæði Echo stanganna er verðið ótrúlega gott og hefur komið mörgum á óvart. Echo stangirnar eru fyrir alla veiðimenn en ekki einungis hátekjufólk.

Flugur okkur hafa rokselst það sem af er sumri og margar spennandi nýungar í 8 metra löngu fluguborði okkar þegar farnar að gera það gott.

Við erum búin að opna í dag og Veiðibúðin Krafla Höfðabakka 3 verður opin til fjögur í dag. Við erum með heitt á könnunni og bjóðum alla veiðimenn velkomna sem vilja kíkja til okkar.

Ásmundur togast á við laxinn á Stokkhylsbrotinu í morgun en Ragnheiður, sem setti í fyrsta lax sumarsins á Kolskegg  fylgist með. Ljósmyndir Grétar Þorgeirsson.

Flugan okkar Kolskeggur var ekki lengi að minna á sig í morgun þegar veiði hófst í Norðurá í Borgarfirði. Kolskeggur var ein aflahæsta flugan hérlendis í fyrra og oft veiddist vel á hana í Norðurá. Það var Ragnheiður Thorsteinsson, stjórnarmður í SVFR, sem setti í fyrsta lax sumarsins á Stokkhylsbroti á Kolskegg long wing túpu. Viðureignin var hins vegar stutt og hafði laxinn betur eftir snarpa viðureign.

Ásmundur Helgason náði að landa fyrsta laxi sumarsins á Stokkhylsbrotinu skömmu síðar og tók fiskurinn heimatilbúna flugu Ásmundar.

Ragnheiður setti síðan í gullfallega 12 punda hrygnu skömmu fyrir hádegið í dag á Kolskegg og náði henni.

Alls komu 3 fiskar á land í Norðurá fyrir hádegi í dag og 6 laxar á sama tíma í Blöndu sem einnig opnaði í morgun.

Við segjum frekari fréttir af Norðurá í kvöld eftir að veiðitíma lýkur.

Ásmundur Helgason með fyrsta lax sumarsins úr Norðurá.

Stengurnar frá ECHO eru þekktar fyrir mikil gæði og fást á mjög góðum verðum.

Við í Veiðibúðinni Krafla höfum tryggt okkur umboðið fyrir bandarísku hágæða stengurnar ECHO. Eigandi ECHO og hönnuður er hinn heimsfrægi Tim Rajeff sem lengi starfaði hjá G.Loomish áður en hann eignaðist og tók við stjórninni hjá ECHO.

Fyrsta sending af ECHO stöngunum er komin í verslun okkar að Höfðabakka 3. Hafa stengurnar vakið mjög mikla athygli þeirra sem séð hafa og reynt. Verðið hefur einnig komið skemmtilega á óvart en veiðimenn og konur þurfa ekki að vera hátekjufólk til að geta eignast hágæða flugustöng frá ECHO. Stengurnar fást í lengdunum 6,6 - 15 fet og fyrir hinar ýmsu þyngdir á flugulínum. Þegar er farið að sjá á fyrstu sendingunni og er önnur sending væntanleg.

ECHO Trip kemur í 8 pörtum og fallegri tösku þar sem pláss er fyrir stöng, hjól, spólu og flugubox og taumaefni. Frábær stöng fyrir línu 5 og 8.

Tim Rajeff er mjög stórt nafn þegar hönnun flugustanga er annars vegar og hefur hann einnig hannað flugulínur, bæði fyrir ECHO og Airflo. Fyrsta sending okkar af ECHO flugulínum er væntanleg eftir nokkra daga og verða þær í boði á hreint frábærum verðum. ECHO hefur einnig hafið framleiðslu á fluguhjólum og fyrsta sending af hjólum er komin í verslun okkar. Það eru hjól fyrir einhendur og eru á verðum sem eru einstök miðað við gæði. Einnig eru í boði hjól á tvíhendur, mjög góð hjól á ótrúlegum verðum.

Við viljum hvetja fluguveiðimenn til að koma og skoða ECHO stengurnar hjá okkur í Höfðabakka 3. Bíltúr til okkar borgar sig.