Fréttir - Krafla.is
-
Frábærar og ódýrar jólagjafir í Kröflu
Nýi vöðlujakkinn frá Aquaz hefur vakið mikla athygli enda er hér um að ræða 100% vatnsheldan jakka á hreint ótrúlegu verði miðað við aðra sambærilega jakka á markaðnum í dag.Kröfluflugurnar hafa runnið út eins og heitar lummur fyrir þessi jól. Á Þorláksmessu erum við í Veiðibúðinni Kröflu Höfðabakka 3 með opið frá kl. 10 til að minnsta kosti kl. 18 og alltaf með heitt á könnunni. Flugurnar okkar í boxi eru á allt að 40% afslætti til jóla. Erum með frábærar jólagjafir fyrir veiðimenn. Þar má nefna einn besta vöðlujakkann á markaðnum í dag. Jakkinn er algjörlega vatnsheldur en helmingi ódýrari en gengur og gerist með jakka í sama gæðaflokki. Sjón er sögu ríkari. Uppl. í síma 587-9500 eða 698-2844.
-
Kröfluflugurnar í boxi á 40% afslætti til jóla
Hægt er að gera sannkölluð kjarakaup í Kröflu til jóla. Kröfluflugurnar verða á 40% afslætti og allar vörur í versluninni á sérstöku tilboðsverði.
Við gröfum nöfn veiðimanna á tréboxin. Frábær jólagjöf sem slÞað ber vel í veiði fyrir fluguveiðimenn fyrir þessi jólin því í Veiðibúðinni Kröflu, Höfðabakka 3, eru nú til sölu Kröfluflugur í boxum á 40% afslætti. Hafa Kröfluflugurnar aldrei verið á betra verði en þessi tilboð gilda til jóla.
Um er að ræða nokkrar útgáfur af plastboxum og er innihaldið mismunandi og verð boxanna frá rúmum 4 þúsund krónum. Hér er því hægt að gera frábær kaup til jóla.
Að auki erum við hjá Kröflu með allar vörur í versluninni á sérstöku jólatilboði og því hægt að gera mjög góð kaup hjá okkur fyrir jólin. Við skorum á veiðimenn að líta við og sjá hvað við höfum upp á að bjóða með eigin augum.
Kröfluflugurnar fást aðeins í Kröflu í Höfðabakkanum en þar er síminn 698-2844.
-
Gríðarleg veiði á Kolskegginn frá Kröflu í sumar - fékk 18 af 19 löxum á Kolskegg
Guðjón Gunnar Ögmundsson með nýrunninn 18 punda hæng sem hann veiddi á Kolskegg við Iðu í sumar. Veiði við Iðu hefur verið slök eins og víða annars staðar í sumar.,,Þetta var ævintýri líkast. Það var alveg sama hvar Kolskeggurinn fór út í ána, það var alltaf lax á með það sama. Eftir þennan veiðitúr er Kolskeggurinn kominn á sérstakan stall hjá mér og eins og staðan er í dag þá hef ég mjög einfaldan smekk. Kolskeggur frá Kröflu er málið," sagði veiðimaður í samtali við Krafla.is sem var við veiðar í Ytri Rangá fyrir nokkru.
,,Við fengum alls 19 laxa og 18 þeirra eða allir nema einn kom á Kolskegg, létta túpu með keilu. Það voru veiðimenn rétt hjá okkur sem urðu ekki varir þrátt fyrir að prófa ýmsar flugur en þeir áttu ekki Kolskegg frá Kröflu í sínum boxum," sagði veiðimaðurinn ennfremur. Félagar þessa veiðimanns voru einnig við veiðar í Ytri Rangá á þessum tíma en á öðru svæði. Þeir fengu 13 laxa og 9 þeirra komu á Kolskegg frá Kröflu.
-
Launráð brugguð á Iðubökkum. Veiðimenn eru Steinar Petersen og Jens Magnússon.Við höfum heyrt margar ótrúlegar sögur af Kolskegg í sumar og ljóst að Kolskeggurinn frá Kröflu er að verða einn skæðasta flugan á markaðnum í dag. Við munum á næstu dögum segja fleiri sögur af Kolskeggnum og fleiri flugum frá Kröflu ásamt mörgum skemmtilegum veiðisögum.
Rétt er að ítreka að Kolskeggur eins og hann á að vera fæst aðeins í Veiðibúðinni Kröflu að Höfðabakka 3. Nokkrar veiðibúðir eru að selja hann ásamt öðrum flugum frá Kröflu. Til þess hafa eigendur þessara verslana ekki leyfi og eru daglega og viljandi að þverbrjóta gildandi vörumerkjalög.
-
-
Mikil veiði á Kolskegg og Iðu
Félagar í Mokveiðifélaginu voru mættir í Skagafjörðinn fyrstu dagana í apríl og opnuðu Húseyjarkvísl að venju. Hvað ána varðar voru skilyrði mjög góð en veður var frekar slæmt og hafði mikil áhrif á veiðina.
Alls fengu þeir félagar 42 sjóbirtinga og auk þess marga hoplaxa og var greinilega mikið af fiski í ánni. Mesta veiðin var á ýmsar útgáfur af Kolskegg og Iðu og einnig komu margir fiskar á hinar ýmsu Kröfluflugur.
Víða hefur verið mjög góð veiði núna í vor og veiðimenn að ná úr sér hrollinum eftir langan og erfiðan vetur.
Við minnum veiðimenn á að við í Kröflu erum með allt fyrir veiðitúrinn og erum með mörg mjög góð tilboð í verslun okkar þessa dagana. Og Kröfluflugurnar fást aðeins í Kröflu að Höfðabakka 3.
Ólafur Hafsteinsson með glæsilegan sjóbirting sem hann veiddi í Húseyjarkvísl á dögunum er áin var opnuð. Birtingurinn tók Kolskegg.
- Sævar Örn Hafsteinsson með birting sem tók Iðu.
- Þorsteinn Guðmundsson með flottan birting sem hann fékk í Húseyjarkvísl á Kolskegg.
