Fréttir - Krafla.is

Ólafur Hafsteinsson með rosalegan sjóbirting sem tók Kröflufluguna Skrögg, þunga keilutúpu.

Í tilefni af því að besti tíminn í sjóbirtingsveiðinni er handan við hornið og líður að lokum vertíðarinnar í laxveiðinni þá bjóðum við hjá Veiðibúðinni Kröflu viðskiptavinum okkar í dag, laugardaginn 21. september, upp á einstakt tækifæri til að eignast hinar vinsælu Kröfluflugur sem eru á góðri leið með að verða vinsælustu flugurnar hérlendis.

Í dag, laugardaginn 21. september, milli klukkan 12 og 16 verður einstakt tilboð í gangi hjá okkur en þá bjóðum við allar flugur okkar á 25% afslætti. Þeir sem versla fyrir meira en 10 þúsund krónur fá aukaafslátt og svo erum við alltaf með ókeypis laumu með sem hefur gert mikla lukku í sumar. Að auki bjóðum við frábæran afslátt af öllum öðrum vörum okkar í dag og um að gera að kíkja til okkar í Höfðabakka 3.

Erlendur veiðimaður með 80cm sjóbirting sem tók rauða Kröflutúpu í Húseyjarkvísl á dögunum.

Veiðimenn úti á landi, sem eðlilega komast ekki til okkar í dag laugardag, geta hringt til okkar og pantað flugur eða aðrar vörur með símtali og við sendum það sem kleypt er á okkar kostnað. Síminn er 587-9500 eða 698-2844.

Kröfluflugurnar hafa fyrir margt löngu sannað sig í laxveiðinni. Þær eru ekki síður öflugar í sjóbirtingsveiðinni. Kolskeggur, Iða og Skröggur ásamt Kröflunum í ýmsum litum hafa gefið mönnum mjög góða veiði í sjóbirtingi. Því til staðfestingar birtum við nokkrar frábærar myndir með þessari grein.

Flottur birtingur sem tók Iðu, þunga keilutúpu, í Húseyjarkvísl á dögunum.

Erlendur veiðimaður með 77 cm sjóbirting sem tók Kröflu orange keilutúpu í Húseyjarkvísl nýverið.

Við minnum veiðimenn á að við tökum enga ábyrgð á lélegum og að okkar mati ónýtum eftirlíkingum af okkar flugum sem eru ólöglega til sölu að okkar mati í öðrum veiðibúðum.

Sævar Örn Hafsteinsson með glæsilegan sjóbirting sem tók Kröflufluguna Kolskegg, létta keilutúpu í Húseyjarkvísl í gær.

Kröfluflugan Kolskeggur er ekki síður öflug í sjóbirtingsveiði en laxveiði. Þessi tók Kolskegg létta keilutúpu.

Silungaflugurnar okkar hjá Kröflu eru öflugar í sjóbirtingsveiðinni. Þessi glæsilegi birtingur tók Krókinn.

Nýi vöðlujakkinn frá Aquaz hefur vakið mikla athygli enda er hér um að ræða 100% vatnsheldan jakka á hreint ótrúlegu verði miðað við aðra sambærilega jakka á markaðnum í dag.

Nú þegar allt er að rigna í kaf og veiðimenn standa við árnar og vötnin daglangt í ausandi rigningu erum við búin að fá nýja sendingu af nýjum athyglisverðum vörum frá Aquaz. Um er að ræða alveg nýja hönnun frá Aquaz af vöðlujakka, vöðlum og vöðluskóm.

Jakkinn sem hér um ræðir er Aquaz Trinity og er hágæðjakki sem jafnast algjörlega á við bestu jakkana sem eru á markaðnum í dag. Verðið er hins vegar á allt öðrum nótum og munar þar meira en helming á verði dýrustu jakkanna á markaðnum og þessum nýja frábæra jakka frá Aquaz. Trinity jakkinn er úr andandi efni sem er þriggja laga og algjörlega vatnshelt. Jakkinn er með mjög góðri öndun og við ábyrgjumst að það verður enginn veiðimaður blautur í þessum frábæra jakka. Verðið á þessum jakka er aðeins 39.990 krónur en verð á sambærilegum jökkum á markaðnum í dag er allt að 9o þúsund krónum!!.

Á Aquaz jakkanum eru tveir stórir brjóstvasar fyrir fluguboxin, tveir vatnsheldir vasar framan á brjóstvösum, flísfóðraðir vasar fyrir hendur, stór vasi aftan á jakkanum, allir rennilásr vatnsheldir og margt fleira mætti nefna. Sjá nánar í netverslun okkar og Veiðibúðinni Kröflu, Höfðabakka 3.

Þá erum við einnig komin með nýja framleiðslu af Aquaz vöðlum með rennilás. Dry Zip vöðlurnar eru saumaðar úr 5-laga Aqualexdúk frá Japan. Skálmar neðn hnés eru úr 5-laga dúk og hnéð er 8-laga. Allir saumar eru límdir sérstaklega með galdraefni frá Japan. Vatnsheldur rennilás er að framan sem hægt er að renna niður fyrir klof. Allir rennilásar eru vatnsheldir. Allar vöðlur frá Aquaz hafa verið í notkun hérlendis í miklu þjarki undanfarin ár hjá veiðimönnum sem veiða nánast allt sumarið og hafa völurnar komið mjög vel út. Allar vöðlur frá Aquaz eru prófaðar eftir framleiðslu. og vöðlur sem fara í sölu til almennings hafa allar gengist undir strangt gæðapróf eftir framleiðslu. Sjá nánar í netverslun okkar og Veiðibúðinni Kröflu, Höfðabakka 3.

Nýir vöðluskór frá Aquaz eru úr leðri (Young-Buck) og Cordura Nylon efni en þétt net hleypir vatni út á hliðum. Naglar fylgja með skónum. Tá og hæll eru sérstaklega varin. Öklinn er verndaður með sérstakri fóðringu. Þá er tungan vatnsheld og heldur úti sandi. Sjá nánar í netverslun okkar og Veiðibúðinni Kröflu, Höfðabakka 3.

Undirfötin frá Aquaz eru á frábæru verði.

Loks má geta þess, núna þegar haustið nálgast og sjóbirtingstímabilið er að hefjast að við bjóðum veiðimönnum upp á afar hlý og vönduð undirföt úr flís. Undirfötin eru úr endurunnu flísefni og um er að ræða treyju og buxur. Útöndun er mjög góð og undirfötin halda mjög vel hita. Teygjur eru við úlnlið, ökla og mitti og undir yl. Settið af undirfötunum kostar aðeins 14.900 krónur. Sjá nánar í netverslun okkar og Veiðibúðinni Kröflu, Höfðabakka 3.

Bjarni Víðir Pálmason með 14-15 punda laxinn sem hann fékk á Skrögg og er stærsti lax sumarsins til þessa í Setbergsá.

,,Þetta var í alla staði frábær veiðitúr og enn einu sinni sannaðist það hve Skröggurinn er öflug fluga. Það er alveg sama hvert ég fer. Ég veiði alltaf vel á þessa flugu," sagði Bjarni Víðir Pálmason í samtali við Krafla.is en hann var á dögunum í Sertbergsá á Snæfellsnesi ásamt föður sínum, Pálma Jónssyni, og veiddu þeir alls 7 laxa og einn vænan urriða.

Bjarni Víðir var í miklu stuði í þessum veiðitúr og landaði 5 löxum og urriðanum stóra. Allir tóku fiskarnir Skrögg túpu en mjög gott vatn var í Setbergsá og fiskur um alla ána.

,,Ég hef enga tölu á því hvað ég fékk margar tökur eða hvað ég reisti marga fiska á Skrögginn. Það var alltaf fiskur í flugunni og það skemmtilegasta við þetta allt saman var að þetta voru allt yfirborðstökur enda túpan frekar létt. Mér fannst það líka merkilegt að túpan var nánast óskemmd eftir alla þessa fiska og allar þessar tökur," sagði Bjarni Víðir.

Og þá er það rúsínan í endanum á pylsunni. Í veiðistað númer 21 setti Bjarni Víðir í 87 cm langan hæng á Skrögginn og með 9 feta fimmuna sína að vopni. Eftir mikið ævintýri og um klukkutíma langa viðureign sem barst kílómeter niður með ánni landaði Bjarni Víðir fiskinum glæsilega og er þessi hængur stærsti lax sumarsins í Setbergsá. Bjarni Víðir sleppti þessum fallega hæng aftur í ána að löndun lokinni. Fyrr í sumar veiddist 85 cm lax í ánni en hann var veiddur á maðk og drepinn.

Bjarni keypti Skrögginn sinn í Veiðibúðinni Kröflu í Höfðabakka en Kröfluflugurnar fást aðeins í Kröflu. Við vörum veiðimenn við lélegum eftirlíkingum sem kunna að vera til sölu í öðrum verslunum.

Bjarni Víðir glímir við tröllið í Setbergsá.

Laxarnir fjórir sem komu á Skrögginn í Setbergsánni á dögunum ásamt þeim stóra.

Jón Hilmarsson með 13 punda lúsugan hæng á Iðunni sem tók Kröflufluguna Ólsen Ólsen

Veiði við Iðu í Biskupstungum hefur gengið vel í sumar en í fyrradag voru skráðir 229 laxar í veiðibókina í veiðihúsinu. Suma daga hefur veiði verið mjög góð en síðan hafa komið slakir dagar inn á milli. Yfirleitt veiða hollin einn dag í senn við Iðu og besti dagurinn í sumar var þegar 28 laxar komu á land og þeir tóku allir Kröfluflugur.

Kröfluflugurnar hafa í gegnum árin verið áberandi besta agnið við Iðu þegar flugur eru annars vegar og engin undantekning er þar á í sumar. Af þessum 229 löxum sem eru í bókinni hafa rúmlega 80 laxar fengist á Kröfluflugurnar en rúmlega 30 laxar á aðrar flugur. Besta flugan í sumar er Krafla Orange með 22 laxa en síðan koma Kolskeggur með 17 laxa og Krafla rauð með 15 laxa. Snælda hefur gefið 14 laxa og Frances 7 laxa. Rúmlega 80 laxar hafa veiðst á maðk og spón.

Ef veiðimenn eru á leið á Iðuna ættu þeir ekki að sleppa því að kíkja við í Veiðibúðina Kröflu í Höfðabakka 3 því Kröfluflugurnar fá þeir hvergi annars staðar.

Krafla Orange er nauðsynlegt agn við Iðu. Hún er aflahæsta flugan á þeim slóðum í sumar.